අභිමානවත් වසර 110ක පමණ ඉතිහාසයකට සමීප වෙමින් සිටින මිනු/ නැදගමුව කනිෂ්ඨ විද්‍යාලයීය නිල වෙබ් අඩවියට පිවිසෙන ඔබ සැම සාදරයෙන් පිළිගනිමි. 

   නැදගමුව සහ ඒ අවට ගම් කිහිපයක දුවා දරුවන්ගේ නැණස වඩන්නට තෝතැන්නක් වන් අප පාසල මේ වන විට 1 ශ්‍රේණියේ සිට 11 ශ්‍රේණිය  දක්වා දුදරුවන්  650ට පමණ අධ්‍යාපනය ලබාදෙයි. දෙමව්පියන්ගේ, ප්‍රදේශවාසීන්ගේ හා සුභ පතන්නන්ගේ නොමඳ දායකත්වය යටතේ ශීඝ්‍ර වර්ධනයක් කරා ගමන් කරමින් සිටින අප පාසල මේ වන විට මිනුවන්ගොඩ කලාපයේ ප්‍රමුඛ ස්ථානයක වැජඹෙන බව සතුටින් දන්වනු කැමැත්තෙමි. අප පාසලේ දරුවන්ට චිත්‍ර, නැටුම්, සංගීත වැනි සෞන්දර්යාත්මක අංශවලින් මෙන්ම විවිධ විෂයයන් යටතේ ද විශිෂ්ට දක්ෂතා දක්වන්නට මහඟු අවස්ථාවන් රැසක් පාසල මගින් අත්පත් කර දී ඇති බව සිහිපත් කරන්නේ අභිමානයෙනි.

    අතීතයේ සිටි සහ වර්තමානයේ සිටින විදුහල්පති මහත්ම  මහත්මීන්ගේ සහ ගුරුභවතුන්ගේ අප්‍රමාණ කැපවීම මත දිනෙන් දින දියුණුව කරා පා නගමින් පැමිණි අප පාසැල් දරුවන්ට අනාගත ජීවන කඩයිම් ජය ගැනීම සඳහා මඟ  එළිපෙහෙළි කර දෙමින් මහා මෙහෙවරක නිරත වන බව ප්‍රකාශ කරනු කැමැත්තෙමි.

     දරුවන්ට අධ්‍යාපන අවස්ථා මෙන්ම විෂය බාහිර ක්‍රියාකාරකම් සඳහා ද මහඟු අවස්ථාවක් ලබා දෙමින්, දිනෙන් දින දියුණුව කරා යන විද්‍යාලය, චිරාත් කාලයක් දරු පරපුර වෙනුවෙන් යුග මෙහෙවරක යෙදෙනු දැක්ම මගේ ප්‍රාර්ථනයයි. එම සඵලත්වයේ පෙර ගමන්කරුවන් වීමට මම වර්තමාන ගුරු මණ්ඩලයට, දුවා දරුවන්ට, දෙමවුපියන්ට, ප්‍රදේශ වාසීන්ට සහ සුභ පතන්නන්ට මාගේ සුභාශිංසන එක් කරමි.