නැදගමුව කනිෂ්ඨ විද්‍යාලයේ නව වෙබ් අඩවිය එළි දක්වන මෙම අවස්ථාවේ මාගේ සුභ පැතුම් එක් කරන්නේ හදපිරි සතුටිනි. නව තාක්ෂණයෙන් ලෝකය වේගයෙන් ඉදිරියට යන කාල වකවානුවක අප පාසලේ දරුදැරියන් ගේ දක්ෂතා ලෝකය සමඟ බෙදා හදා ගැනීමට හැකිවීම විදුහලට මහත් අභිමානයකි. එම දක්ෂතා ඔප් නංවමින් වෙනස්වන ලෝකයට නොසැලී, අභිමානවත්ව මුහුණදීමට හැකි ගුණ, නැණ, බල සහිත දරු කැළක් ලොවට දායාද කිරීමට වත්මන් විදුහල්පතිතුමිය සමග අධ්‍යයන හා අනධ්‍යයන කාර්ය මණ්ඩලය, සිසු සිසුවියන්, දෙමාපියන් ඇතුළු පාසල් ප්‍රජාව දක්වන දායකත්වය හෘදයාංගම අගය කිරීමට මෙය අවස්ථාවක් කරගනිමි.